सहिद स्मारक हेटाैंडा, मकवानपुरमा रहेकाे पिकनिककाे लागि निकै प्रसिद्ध स्थल हाे । हाल यहाँ ९ वटा छाना भएका पिकनिक सेडघर र १०० वटा भन्दा धेरै पिकनिक ग्रुप अटाउने सुविधा सम्पन्न खुल्ला स्थलहरू रहेका छन् । पिकिनक स्थल सम्म जाने बाटाेहरू, पानी, विजुली बती, शाैचालय, बधशाला जस्ता सुविधाहरकाे कारण पिकनिकका लागि उपर्युक्त गन्तव्य बन्न पुगेकाे छ । विशेषगरी यहाँ असाेज महिना देखि मंसिर महिनासम्म पिकनिक मनाउन आउनेहरूकाे संख्या निकै बाक्लाे रहने गरेकाे छ भने अंग्रजी नया वर्ष अर्थात जनवरी १ तारिख र नेपाली नया वर्ष वैशाख १ गते अत्याधिक मात्रामा पर्यटक तथा पिकनिक मनाउन आउने गरेका छन् । अन्य समयमा पनि शुक्रबार, शनिबार तथा विदाका दिनहरूमा पिकनिक मनाउन आउनेहरूकाे संख्या उल्लेख्य रहने गरेकाे छ ।