सहिद स्मृति स्तम्भ

०४६ साल सम्मका सहिदहरुलाई समेट्नेगरी सहिद स्मारक निर्माण भएको र पछि पनि सहिद हुने क्रम जारी भएको हुदाँ सम्पुर्ण सहिदहरुलाई एकै थलोमा स्मरण गर्न सकिने सहिद स्मृति स्थललाई पुर्णता दिन १९ मि. गोलाइमा ६५ फिट अग्लो स्तम्भ निर्माण गरिएकाे छ, जसकाे चारैतिर कमलको फुलको आकार देखिने संरचना  छ जसको भित्री भागमा विभिन्न कालखण्ड झल्कने अमुक आकृति रहेकाे छ बाहिरी भागमा ४ फोहोरा, आकर्षक बगैंचा छ भने अग्रभागमा नेपालको प्राकृतिक नक्सा वनाइएकाे छ, जसमा मुख्य नदीहरु हिमश्रृङखलादेखि तराईसम्म बगिरहेको देख्न पाइन्छ । यो स्तम्भ स्मारकको प्रमुख आकर्षणको रुपमा रहेको छ । २०६६ माघ १६ गते संविधान सभाका सम्माननीय अध्यक्ष सुभाष चन्द्र नेवाङ्गबाट शिलन्यास गरिएको उक्त स्तम्भ २०७२ माघ १६ गते सहिद दिवसका दिन सम्माननिय राष्टपति विद्यादेवी भण्डारीज्यू बाट उद्घाटन भइसकेकोे छ ।